खेल सरोकार
कतारमा जारी २२ औं संस्करणको फिफा विश्वकप फुटबल २०२२ अन्तर्गत आज (मंगलबार) राउण्ड अफ १६ का अन्तिम दुई खेलहरु हुँदैछन् ।
आज हुने राउण्ड अफ १६ को अन्तिम दुई खेलपछि अन्तिम आठमा पुग्ने ८ वटै राष्ट्रको टुङ्गो लाग्ने छ ।
आजको पहिलो खेलमा मोरोक्को र स्पेनबिच प्रतिस्पर्धा हुनेछ । एजुकेशन सिटी स्टेडियममा हुने यो खेल नेपाली समयानुसार राति ८:४५ बाट शुरु हुनेछ ।
एक अर्काबिरुद्ध मैदानमा उत्रिदै गर्दा आज दुवै टोली जितसहित प्रतियोगिताको अन्तिम आठमा आफ्नो स्थान सुरक्षित गर्ने दाउमा हुनेछन् ।
मोरक्कोले समूह एफको विजेता तथा स्पेन समूह ईको उपविजेताको रुपमा प्रि(क्वार्टरफाइनलमा आफ्नो स्थान पक्का गरेको थियो ।
दुई टोलीबिच अहिलेसम्म तीन पटक प्रतिस्पर्धा भएको छ ।
यी दुई टोलीबिचको पहिलो भेट सन् १९६२ मा फिफा विश्वकप छनौटमा भएको थियो ।
तीन मध्ये दुई खेल स्पेनले जित्दा एक खेल बराबरीमा सकिएको थियो ।
.png)
प्रतिक्रिया